Abott: Ndeshja Kosovë-Angli, t’i shërbejë miqësisë së përhershme të dy vendeve NULL NULL 23.10.2019 16:03 23.10.2019 16:03 Kryetari i Federatës së Futbollit të Kosovës Agim Ademi, ka pritur në ambasadorin e Britanisë së Madhe, Nicholas Abbott me bashkëpunëtorë. Ademi i uroj mirëseardhje ambasadorit Abbott, teksa e njohu për zhvillimet e gjithëmbarshme në futbollin e Kosovës, për projektet e shumta në përmirësimin e infrastrukturës si dhe për faktin që tashmë Kosova po tregohet storie e suksesit në futboll. Ndërkaq, ambasadori Abbott përgëzoi krerët e FFK-së për sukseset e arritura në kualifikimet për Euro 2020, duke uruar që Kombëtarja e Kosovës të arrijë objektivin e kualifikimit. Diplomati britanik premtoi përkrahje të vazhdueshme për FFK-në, ashtu siç ishte bashkëpunimi i ngushtë edhe me ish-ambasadorin Ruairi O’Connell. Abbott theksoi se është i gatshëm ta përkrahë dhe ta ndihmojë presidentin Ademi dhe FFK-në, pasi ky institucion po i jep kënaqësi dhe vullnet popullit të Kosovës, si dhe po e ngrit e po e afirmon vendin në arenën ndërkombëtare. Temë e këtij takimi ishte edhe ndeshja e muajit nëntor ndërmjet Kosovës dhe Anglisë, e cila zhvillohet në stadiumin “Fadil Vokrri”, ku të dyja palët theksuan nevojën që kjo ndeshje të jetë një spektakël i vërtetë futbolli, por edhe t’i shërbejë miqësisë së përhershme ndërmjet dy vendeve dhe popujve. Në fund të takimit presidenti Ademi ndau edhe dhurata për ambasadorin Abbott dhe bashkëpunëtorët e tij. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.