A do ta përmbysë Audan, si dikur Inter Turkun, Drita?

Tre herë kampionët e Kosovës e kanë humbur 1-0 duelin e parë ndaj letonezëve të FK Auda.

Drita synon sonte në stadiumin “Fadil Vokrri” në Prishtinë, ta përmbys rezultatin ndaj këtij kundërshtari, në ndeshjen e vlefshme për rrethin e tretë kualifikues në Conference League, raporton Klankosova.tv.

Me “Intelektualët” e rikthyer në tribunë, me tifozëri edhe nga qytetet e tjera të Kosovës që përkrahin skuadrat e shtetit në Evropë, për gjilanasit nuk është mision i pamundur kalimi i këtij raundi.

Drita ka ditur të bëjë përmbysje të tilla në Evropë. Kujtojmë  datën 6 korrik 2022 kur Inter Turku i Finlandës e mundi skuadrën nga Gjilani me rezultat 1-0, kurse dy javë më vonë, finlandezët demoloheshin 3-0 në “Fadil Vokrri”, njofton Klankosova.tv.

Ndeshja ndërmjet Dritës dhe Audas, zhvillohet sonte në kryeqytetin e Kosovës me fillim nga ora 20:00. Fituesi i kësaj përballje, e prek finalen eliminatore në UECL, ku pastaj nevojitet vetëm edhe kalimi i një kundërshtari, për të hyrë në fazën e grupeve.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.