Komuna e Vushtrrisë hapet edhe të shtunave për mërgimtarët

Kryetari i Vushtrrisë, Ferit Idrizi ka marrë vendim që Drejtoria për Administratë të Përgjithshme të ofrojë shërbime edhe të shtunave, nga data 5 korrik deri më 31 gusht 2025, prej orës 09:00 deri në 14:00, në kuadër të përkujdesjes ndaj bashkatdhetarëve që po vinë nga perëndimi në Kosovë.

“Të nderuar bashkatdhetarë, mirë se vini në vendlindje! Në kuadër të përkujdesjes ndaj jush dhe për t’ju ofruar shërbime sa më të lehta gjatë qëndrimit në Kosovë, ju njoftojmë se, me vendimin e Kryetarit të Komunës, Ferit Idrizi, Drejtoria për Administratë të Përgjithshme do të ofrojë shërbime edhe të shtunave, nga data 5 korrik deri më 31 gusht 2025, prej orës 09:00 deri në 14:00”, thuhet në njoftim, transmeton Klankosova.tv.

Bëhet e ditur se edhe gjatë ditëve të zakonshme të punës, shërbimet do të jenë në dispozicion edhe gjatë orarit të pauzës, në mënyrë që të mos hasen në pengesa dhe të kryhen punët administrative me lehtësi.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.