Ministri i Jashtëm i Iranit pritet të bisedojë me Putinin për “kërcënimet e përbashkëta”

Ministri i Jashtëm i Iranit, Abbas Araghchi i cili ndodhet në Moskë, thotë se do të ketë “diskutime serioze dhe të rëndësishme” me presidentin rus Vladimir Putin, duke prekur “sfidat dhe kërcënimet e përbashkëta”.

Rusia ka dënuar sulmet e SHBA-së ndaj objekteve bërthamore iraniane, me ambasadorin rus në OKB që tha se Amerika kishte “hapur kutinë e Pandorës”, shkruan BBC, transmeton Klankosova.tv.

BBC raporton se nëse Araghchi takohet me Putinin më vonë sot, ka të ngjarë të marrë fjalë të forta mbështetjeje nga udhëheqësi i Kremlinit, por ndihma ushtarake nga Moska duket e pamundur.

Javën e kaluar Putini pretendoi se Irani nuk kishte kërkuar ndihmë ushtarake nga Moska dhe nga komentet e tij ishte e qartë se ai nuk ishte me nxitim për të ofruar diçka të tillë. Kremlini ka qenë i etur të mbajë marrëdhënie të mira si me Iranin ashtu edhe me Izraelin – dhe të ndërtojë një marrëdhënie të mirë pune me presidentin amerikan, Donald Trump.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.