Guardiolës i pikon loti teksa Man City përshëndetet me De Bruynen

Manchester City ka arritur një fitore të rëndësishme në ndeshjen e sotme kundër Bournemouth në luftën për një vend në Champions.

Me fitoren 3-1, djemtë e Pep Guardiolas mbesin në vendin e tretë, por që gara për top-5 mbetet e fortë pasi janë edhe tri ekipe tjera me pikë të përafërta dhe gjithçka mund të ndryshojë në xhiron e fundit.

Megjithatë, këtë ndeshje e karakterizoi edhe një moment emocional.

Kevin de Bruyne u përshëndet me fansat e klubit në ndeshjen e tij të fundit në shtëpi.

E trajneri Guardiola u pa i emocionuar në përfundim të ndeshjes, ndërsa kamerat fokusuan edhe lotin që po i rridhte në faqe.

De Bruyne njoftoi kohë më parë se ky do të jetë sezoni i tij i fundit me Cityn, me të cilin fitoi gjithçka.

Destinacioni i tij i radhës ende nuk dihet. /Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.