Këto janë simptomat e para të tensionit të lartë

Kur bëhet fjalë për sëmundjet që lidhen me zemrën, presioni i lartë i gjakut është një nga gjendjet më të zakonshme. Gjaku ka nevojë për një presion të caktuar në mënyrë që të pompohet nëpër trup, por kur ky presion bëhet shumë i lartë, mund të dëmtojë ndjeshëm arteriet dhe enët e gjakut.

Kur presioni i lartë i gjakut bëhet një problem kronik, mund të çojë në grumbullimin e pllakave në muret e enëve të gjakut. Sa më shumë depozita të ketë, aq më të ngushta janë enët e gjakut, gjë që e bën edhe më të vështirë pompimin efikas të gjakut, transmeton Klankosova.tv.

“Në SHBA, 47 për qind e popullsisë është diagnostikuar me hipertension. Obeziteti, diabeti, mungesa e stërvitjes, dieta e dobët, konsumimi i tepërt i alkoolit, përdorimi i duhanit dhe gjenetika kontribuojnë në rrezikun e hipertensionit”, thotë Dr. Rand McClain për SheFinds.

Sipas vlerësimeve, 18 për qind e të gjitha vdekjeve në nivel global mund t’i atribuohen hipertensionit (rreth 9.4 milionë njerëz). Dhe problemi më i madh është se presioni i lartë i gjakut mund të mos shfaqë asnjë simptomë. Prandaj quhet vrasësi i heshtur.

Simptomat e para të presionit të lartë të gjakut mund të jenë kokëdhembja, gjakderdhja nga hundët, lodhja, problemet me shikimin, vështirësitë në frymëmarrje, zhurma në vesh. Megjithatë, matja e presionit të gjakut është baza si për vendosjen e një diagnoze ashtu edhe për monitorimin e efektit të terapisë, transmeton Klankosova.tv.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.