ASK: Kosova i ka 1 milion e 602 mijë e 515 banorë

Agjencia e Statistikave të Kosovës ka publikuar të enjten (19 dhjetor) rezultatet e para përfundimtare të regjistrimit të popullsisë, ekonomive familjare dhe banesave.

Sipas rezultateve të ASK-së, Kosova ka gjithsej 1 milion e 602 mijë e 515 banorë, transmeton Klankosova.tv.

Ndërsa, nga rezultatet preliminare të regjistrimit të popullsisë të publikuara pesë muaj më parë, Kosova ka pasur 1 milion e 586 mijë e 659 banorë.

Regjistrimi i popullsisë kishte filluar më 5 prill dhe ka përfunduar me 24 maj të këtij viti.

Ndërkaq pjesëmarrës në këtë ngjarje ishte edhe kryeministri Albin Kurti, i cili tha se regjistrimi i popullsisë është pasqyrim i realitetit të Kosovës.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.