Punëtorët e KEK-ut, ultimatum menaxhmentit për ngritje page (VIDEO)

Sheshi “Nënë Tereza” gumëzhinte mesditën e të enjtes.

Kjo nga brohoritjet e fishkëllimat e qindra punëtorëve të Korporatës Energjetike të Kosovës, që po protestonin për rritje page, para zyrës së menaxherit për të cilin nuk i kursyen kritikat.

Kërkesat e tyre u arsyetuan edhe me zmadhues zëri, duke thënë se kanë tejkaluar prodhimin dhe meritojnë atë që po kërkojnë, njofton Klan Kosova.

Për këtë, por edhe pagesën për rrezikshmëri, shujtë e kujdestari në krah u doli kryesindikalisti, Atdhe Hykolli.

Nëse deri më 3 prill nuk merren parasysh, kërcënojnë me veprime sindikale duke hyrë në grevë, derisa u theksua edhe nevoja për shtimin e punëtorëve.

Në fund marshuan deri te qeveria, ku njëzëri thirrën për kërkesën e tyre.

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.