Princi Harry dhe Meghan dëbohen nga prona mbretërore

Princi Harry dhe gruaja e tij Meghan po dëbohen nga shtëpia e tyre në pronën familjare në Windsor, duke i lënë ata pa pronë në Mbretërinë e Bashkuar, raportojnë mediat të mërkurën.

Frogmore Cottage, të cilën ata e renovuan në vlerë prej 2.9 milionë dollarë, ka qenë dhuratë për martesë nga Mbretëresha Elizabeth II në vitin 2018, përcjell Klankosova.tv.

Shtëpia e çiftit iu është ofruar Princit Andrew, vëllaut të Mbretit Charles III, raportojnë “The Sun” dhe “Daily Telegraph”.

Harry dhe Meghan, po ashtu të njohur si Duka dhe Dukesha e Sussex, janë njoftuar që të lirojnë pronën në janar, vetëm disa ditë pas publikimit të librit autobiografik “Spare” të Harryt.

Charles, i cili ka favorizuar prej kohësh një monarki të kufizuar, aktualisht është duke ndërmarrë një rishikim të financimit.

Një heqje e mundshme e grantit prej 250,000 £ në vit të Andrew mund ta detyronte atë të largohej nga rezidenca e tij aktuale, Lozha Mbretërore me 30 dhoma, gjithashtu në pronën Windsor, për shkak të kostove masive të mirëmbajtjes.

Harry dhe Meghan u transferuan në Kaliforni në vitin 2020 pasi u larguan në mënyrë dramatike nga jeta mbretërore.

Që atëherë, ata kanë marrë pjesë në disa projekte – nga një intervistë me Oprah Winfrey në një dokumentar të Netflix – duke transmetuar mospajtime dhe ankesa për përvojat e tyre si anëtarë të familjes mbretërore britanike.

Autobiografia e Harryt “Spare” theu rekorde shitjesh kur u botua në janar, por gjithashtu pati rënie të vlerësimeve të popullaritetit të tij.

Andrew u detyrua të largohej nga jeta publike, për shkak të miqësisë së tij me abuzuesin seksual të ndjerë të dënuar Jeffrey Epstein.

Vitin e kaluar Andrew zgjidhi një çështje civile në SHBA për sulm seksual me akuzuesen Virginia Giuffre.

Buckingham Palace nuk pranoi të komentojë mbi raportet. Një përfaqësues për Sussexes nuk ishte menjëherë i disponueshëm.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.