Vdiq në spital gruaja që u nxor e gjallë pas 104 orëve nën rrënoja

Një grua ka ndërruar jetë në spital një ditë pasi u nxor nga rrënojat e një ndërtese të shembur në Turqinë jugore, ku kishte mbetur e bllokuar për 104 orë.

“Sapo mësuam nga vëllai dhe motra se Zeynep fatkeqësisht ndërroi jetë në spital”, tha Steven Bayer, drejtuesi i ekipit ndërkombëtar gjerman të kërkimit dhe shpëtimit.

“Sapo kemi informuar ekipin se ajo fatkeqësisht ka ndërruar jetë dhe tani po e përpunojmë këtë në ekip”.

Ekipet e shpëtimit gjerman nxorën 40-vjeçaren Zeynep Kahraman nga rrënojat në qytetin Kirikhan në Turqinë jugore të premten, shkruan Al Jazeera, përcjell Klankosova.tv

Ata e cilësuan mbijetesën e saj një “mrekulli” pasi përpjekjet e kërkim-shpëtimit pas tërmetit më vdekjeprurës të rajonit në dekada vazhduan të nxirrnin më shumë trupa.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.