21:24, 26 Shkurt 2018

Lutfi Haziri nga Lidhja Demokratike e Kosovës, ka deklaruar në Zona B në Klan Kosova se nga dita kur kalohet Demarkacioni, atëherë, nëse gjërat shkojnë si duhet, datën për vizat Kosova do ta merrte brenda gjashtë muajsh.

“Idealisht, nëse këtë javë vendoset, më pas hyn vendimi në fuqi ligji, pastaj duhet të bëhet punë e madhe në Bashkimin Europian, por miqtë tonë do të ndërmjetësojnë që shtetet e Shengenit ta lejojnë Kosovën të udhëtojë në të gjitha ato vende”, ka pohuar Haziri.

“Idealisht e do një gjashtë muajsh për ta marrë datën, por mund të ndodhin kushte të reja gjatë periudhës së marrjes së datës. Madje pres që brenda periudhës pas marrjes së datës Kosova do të ketë kushte të reja”.

Haziri ka treguar se puna për vizat do të jetë e vështirë edhe për shkak se vendet europiane kanë hezitim në raport me Kosovën, madje edhe vendet mike.

“Ka edhe shtete të tjera anëtare mike, siç janë Holanda e Franca që tregojnë hezitim”.

klankosova.tv

Konkurs Pune

Lexo më shumë