5 vjeçari bëmirës

Djaloshi i vogël 5 vjeçar  nga Alabama e SHBA-së  bëri që një restorant i tërë të shpërthente në lot.

Kjo ndodhi pasi 5 vjeçari, Josiah Duncan i kërkoi mamasë së tij që të blinte një drekë për një person të pastrehë, të cilin ai e pa jashtë.

Fillimisht ai e pyeti mamanë e tij, Ava, se çfarë po bënte ai person jashtë restorantit.

Mamaja i shpjegoi se njeriu ishte i pastrehë. Por djaloshi nuk e kuptoi shprehjen andaj kërkoi sërish sqarim.

Pasi mamaja e tij ia sqaroi kuptimin e fjalës, Josiah iu lut mamasë t’i blinte atij një drekë.

Por deri këtu nuk ishte e jashtëzakonshme. Të gjithë ata që ishin prezent në restorant u prekën kur 5 vjeçari insistoi që edhe ti këndontë njeriut të pastrehë një bekim përpara se ai të fillonte të hante, transmeton Klan Kosova.

Mamaja e 5 vjeçarit u shpreh se u ndje shumë krenare me djalin e saj, madje ajo u shpreh se këtë veprim e cilëson si një ndër arritjet e saj më të mëdha si prind.

klankosova.tv