389 përfitues të granteve në bujqësi, 31 milionë investime dhe 2500 vende të reja pune - Klan Kosova

Na ndiqni në:


Get it on Google Play Download on the App Store

389 përfitues të granteve në bujqësi, 31 milionë investime dhe 2500 vende të reja pune

NULL NULL
03/10/2015

Agjencia për Zhvillimin e Bujqësisë ka përfunduar vlerësimin e projekteve për grante nga Programi për Bujqësi dhe Zhvillim Rural 2015, duke shpallur 389 përfitues të këtyre grantave, njofton Klan Kosova.

Investimet totale në këto projekte janë mbi 31 milionë e 600 mijë euro, “prej të cilave nga Ministria e Bujqësisë, Pylltarisë dhe Zhvillimit Rural investime janë mbi 19 milionë e 300 mijë euro, ndërkaq mbi 12 milionë euro janë investime nga vet fermat dhe kompanitë përpunuese”, tregohet në njoftimin e kësaj ministrie.

Këto investimet do të mundësojnë hapjen e 1449 vendeve të reja pune të rregullta dhe po ashtu, edhe 1000 vende pune indirekte në sektorë që ndërlidhen me bujqësinë.

Në total, numri i vendeve të reja të punës, të rregullta dhe indirekte shkon në rreth 2500, kurse listat finale përfshijnë sektorë të ndryshëm.

Listat e përfituesve të granteve janë publike KËTU dhe KËTU

klankosova.tv