19 vjet polici - Klan Kosova

Na ndiqni në:


Get it on Google Play Download on the App Store

19 vjet polici

NULL NULL
06/09/2018

Me rastin e përvjetorit të 19-të  të themelimit të Policisë së Kosovës, do të mbahet ceremonia zyrtare për ta shënuar këtë ditë.

Në këtë ceremoni do të marrin pjesë personalitete të ndryshme, përfaqësues të lartë të institucioneve të Kosovës, përfaqësues ndërkombëtarë në vendin tonë, drejtorë të policive të disa shteteve të ndryshme, si dhe familjarë të policëve.

Gjatë kësaj ceremonie do të bëhet gradimi i disa punonjësve të policisë,  si dhe ndarja e medaljeve dhe certifikatave për zyrtarët policorë që janë shquar për punën e tyre dhe rezultatet e arritura, transmeton Klan Kosova.

Më 6 shtator të vitit 1999, Misioni i OSBE-së në Kosovë, në pajtim me Rezolutën e Kombeve të Bashkuara 1244, ka hapur Shkollën e Policisë dhe ka filluar trajnimin e kandidatëve për pjesëtarë të Policisë së Kosovës.

Gjenerata e parë e kandidatëve për pjesëtarë të këtij Shërbimi filloi trajnimin në këtë qendër më 6 Shtator 1999. Kjo gjeneratë numëroi 176 pjesëtarë, të cilët me sukses përfunduan trajnimin dhe pastaj filluan ushtrimin e veprimtarisë policore në tërë territorin e Kosovës si policët e parë të këtij shërbimi.