Ambasadori gjerman Jorn Rohde qëndron për vizitë në Klan Kosova

Ambasadori gjerman në Kosovë, Jorn Rohde, ka qëndruar për vizitë në ambientet e shtëpisë mediale Klan Kosova, ku është pritur nga Adriatik Kelmendi, drejtor i përgjithshëm, dhe Shkëlqim Devolli.

Diplomati gjerman është njoftuar për ecurinë e punëve, projektet ekzistuese dhe projektet e planifikuara në televizion, radio dhe në portalin e Klan Kosovës.

Gjatë takimit është diskutuar edhe për lirinë e medies në Kosovë dhe konkurrueshmërinë mediale dhe ekonomike në vend, duke theksuar rëndësinë e shprehjes së lirë dhe ekonomisë së tregut.

Ambasadori Rohde ka parë edhe ambientet e kompanive që operojnë nën kompleksin e Klan Kosovës, përfshirë operatorin Art Motion dhe Klan Arena.