1.4 milion për infrastrukturën e Pejës, Abrashi e Muhaxheri nënshkruan memorandum bashkëpunimi

1.4 milion për infrastrukturën e Pejës, Abrashi e Muhaxheri nënshkruan memorandum bashkëpunimi

NULL NULL
1 month më parë

Ministri në detyrë i Infrastrukturës, Arban Abrashi dhe kryetari Komunës së Pejës, Gazmend Muhaxheri, kanë nënshkruar memorandum bashkëpunimi për financimin e disa projekteve të rëndësishme infrastrukturore në këtë komunë, bëjnë të ditur nga MI.

Abrashi tha se investimet infrastrukturore në Pejë do të shërbejnë më së shumti për zhvillimin e turizmit, duke lidhur fshatrat e kësaj komune në mes veti.

Ai theksoi se kompletimi i infrastrukturës së komunave ka impakt në zhvillimin e turizmit dhe bujqësisë, duke krijuar edhe vende të reja të punës.

Ndërkaq, kryetari Muhaxheri u shpreh se realizimi i këtyre projekteve qenë më se të nevojshme për Pejën, duke përmirësuar edhe më shumë infrastrukturën rrugore.

Memorandumi parasheh asfaltimin e disa rrugëve në Komunën e Pejës në vlerë prej 1 milion e 400 mijë euro.

Projektet infrastrukturore komunale janë në kuadër të investimeve të reja që i ka paraparë Ministria e Infrastrukturës në vitin 2021, e që janë gjithsej 33 projekte të reja.​