​Prishtina me teknologji të re për llogaritjen e pronës

Kryetari i Prishtinës, Shpend Ahmeti, përmes profilit të tij në Facebook, ka bërë të ditur se Komuna e Prishtinës prej kësaj jave, do të nisë zbatimin e një teknologjie të re të matjes, që do të ndihmojë për zgjidhjen shumë më të shpejtë të ankesave të qytetarëve.

“Prej kësaj jave Komuna e Prishtinës bëhet komuna e vetme në Kosovë që do të aplikojë teknologjinë më të avancuar në llogaritjen e pronës dhe sipërfaqes së reklamave. Kjo teknologji do të pamundësojë keqpërdorimet në vlerësimin e pronave (për tatim në pronë) dhe reklamave” u shpreh Ahmeti.

2 mijë ankesa në vjet nga qytetarët do të zgjidhen shumë shpejtë me këto pajisje dhe do të shtojnë të hyrat në komunë”, ka shkruar Ahmeti në facebook, ku ka publikuar edhe fotografitë e pajisjes së re.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.