​Edita Tahiri i quan gënjeshtra deklarimet e Gjuriqit - Klan Kosova

Na ndiqni në:


Get it on Google Play Download on the App Store

​Edita Tahiri i quan gënjeshtra deklarimet e Gjuriqit

NULL NULL
08/05/2015
Ministrja për Dialog në Qeverinë e Kosovës, Edita Tahiri, deklarimet e drejtorit të të ashtuquajturës Zyre për Kosovën në kuadër të Qeverisës serbe, Marko Gjuriq, i cili ka akuzuar Qeverinë e Kosovës për ndërprerjen e njëanshme të dialogut, i ka quajtur gënjeshtra të radhës.

Tahiri ka thënë se Serbia duhet t’i ndalojë përpjekjet që të flasë në emër të Kosovës, si dhe mos të dezinformoj në adresë të saj.

“Kosova në dialogun e Brukselit është dëshmuar për seriozitetin dhe përkushtimin e saj. Takimet që do të mbahen gjatë muajit maj, ne i kemi konfirmuar tash e sa kohë. Te hënën do të këtë takim për energjinë”, ka thënë Tahiri.

“Më 20 maj, do të ketë takim për sigurimin e automjeteve, ku marrëveshja deri më tani është bllokuar nga anë e Serbisë. Me datën 18 maj do të kemi takim për çështjet e telekomit. Me datën 21 maj do ta diskutohet për IBM-in. I gjithë muaji maj do të jetë me takime”, ka thënë Tahiri.

Ministrja Tahiri, ka thënë se takimet janë koncentruar në këtë muaj pasi Serbia ka refuzuar që të marrë pjesë në këto takime, ndërsa, tashti ata kanë shprehur gatishmërinë që të marrin pjesë në këto takime.

Ndryshe, drejtori i të ashtuquajturës Zyre për Kosovën në kuadër të qeverisës serbe, Marko Gjuriq, ka thënë se Prishtina zyrtare ka vendosur të anulojë negociatat e planifikuara paraprake rreth Asociacionit të Komunave Serbe në Kosovë.