16:53, 13 Mars 2018

Fatmir Xhafaj, ministri i Brendshëm i Shqipërisë, ka zhvilluar një takim me ambasadorë të vendeve të BE në Tiranë.

Në një reagim në Twitter Xhafaj ka dhënë edhe detaje nga takimi.

“Takimi i dytë pas 3 muajsh me të gjithë ambasadorët e vendeve anëtare të BE-së. Informova dhe iu përgjigja interesit të tyre të veçantë për punën dhe progresin e bërë në kuadër të zbatimit të prioriteteve dhe masave për konsolidimin e shtetit ligjor. Prezantuam rezultate konkrete në disa fusha: si në luftën kundër krimit të organizuar në kuadër të operacionit Antikanabisin, Menaxhimin e Kufirit, Policimit në Komunitet, Vettingun etj”

” Shprehëm mirënjohjen për bashkëpunimin e krijuar këto muaj pune të përbashkët. Bashkëbisedim tejet konstruktiv. Jemi të emocionuar dhe të inkurajuar për vlerësimet tejet pozitive, për besimin e shprehur për MB, Policinë e Shtetit dhe Task Forcën Speciale si dhe për thellimin e mëtejshëm të bashkëpunimit. Jemi në rrugën e duhur. Të vendosur të ecim përpara”, ka shkruar ai, transmeton Klan Kosova.