Weinstein tentoi ta puthte Cara Delevingne!

Modelja e njohur Cara Delevingne i ka mirëpritur akuzat që janë ngritur ndaj regjisorit Harvey Weinstein.

Delevingne e cila njihet për paraqitjet e saj të shumta në pasarelat e modës në botë, ka pohuar madje se edhe ajo është pjesë e abuzimeve seksuale që regjisori Winstein ka kryer gjatë karrierës së tij, transmeton Klan Kosova.

Cara e cila është biseksuale, ka thënë se Weinstein u përpoq ta puthte atë në buzë, pas një takimi të thirrur në dhomën e tij të hotelit në mes saj dhe një gruaje tjetër po ashtu.

“Sapo ishim vetëm ai filloi të mburrej për të gjitha aktoret me të cilat ai kishte fjetur dhe si u mundësoi karrierat e tyre dhe foli për gjëra të tjera të papërshtatshme me natyrë seksuale”, vazhdoi Delevingne pretendimin e saj për abuzimin që kishte bërë regjisori Winstein ndaj saj.

“Pastaj më ftoi në dhomën e tij”, thotë ajo.

Supermodelja e njohur rrëfimin e saj e ka vazhduar duke thënë se në ato momente ndihej e pafuqishme dhe e frikësuar, transmeton Klan Kosova.

 

 

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.