16:51, 13 Shtator 2017

Kryeparlamentari Kadri Veseli priti në takim ambasadorin e Hungarisë, Laszlo Markusz, nga i cili mori urimet për rizgjedhjen e tij në krye të Kuvendit.

Ambasadori hungarez i përcolli Veselit ftesën e kryeparlamentarit hungarez për të marrë pjesë në Konferencën e kryetarëve të parlamenteve të vendeve të Ballkanit Perëndimor, e cila do të mbahet në fund të tetorit të këtij viti në Budapest.

Siç bëhet e ditur në një njoftim të Zyrës së Veselit, ai ka pranuar me kënaqësi ftesën e homologut të tij hungarez, ndërsa falënderoi ambasadorin Markusz për kontributin e Parlamentit të shtetit të tij në ngritjen e kapaciteteve të Kuvendit të Kosovës dhe forcimin e demokracisë parlamentare në vendin tonë.

Në takim ishin të pranishëm edhe zyrtarë të Parlamentit të Hungarisë, të cilët në kuadër të Projektit të Binjakëzimit i japin mbështetje administratës së Kuvendit, transmeton Klan Kosova.

 

 

Interesante