11:00, 7 Nëntor 2018

Kush nuk ka probleme me stomakun herë pas here?

Ka dhjetëra arsye pse mund të keni dhimbje të stomakut, si: gastriti, refluksi acid, intoleranca ndaj laktozës, stresi, etj.

Shumica prej tyre nuk janë serioze dhe kalojnë shpejt. Nuk ka arsye të drejtoheni tek mjeku dhe të merrni një recetë sa herë që keni shqetësime të vogla në stomak.

Kemi mbledhur për ju disa receta natyrale për një stomak pa dhimbje që mund t’iu ndihmojnë sa hap e mbyll sytë, shkruan Living.al.

Xhenxhefili

Xhenxhefili ka një ndikim të mahnitshëm në shëndetin tonë të stomakut. Redukton inflamacionin ashtu si aspirina, ibuprofeni ose anti-inflamatorë të tjerë.

Promovon qarkullimin e gjakut që ndihmon në tretje më të mirë. Ai ndihmon që ushqimi të rrjedhë pa probleme nëpër traktin digjestiv, i cili na lejon të absorbojmë më shumë lëndë ushqyese.

Parandalon gazrat dhe relakson muskujt e brendshëm të zorrëve, gjë që na jep lehtësim nga dhimbja e stomakut.

Mustarda

Edhe pse kjo tingëllon pak e pabesueshme, të ngrënit e një luge gjelle me mustardë bashkë me ushqimin tuaj të përditshëm mund të jetë një shtesë vërtetë e mirë për dietën tuaj.

Ajo ka disa efekte të forta anti-inflamatore dhe anti-acide të cilat mund të zvogëlojnë apo edhe të shërojnë dhimbjet tuaja të stomakut.

Orizi

Së bashku me pataten, tërshërën dhe ushqime të tjera me niseshte, orizi ndihmon të “mbulojë” stomakun, të lehtësojë tretjen dhe ka një efekt qetësues.

Ushqime të tilla nuk qëndrojnë gjatë në stomak dhe nuk stimulojnë acidin refluks.