Takohet zonja e parë e Maqedonisë me atë të Turqisë NULL NULL 21.02.2018 18:13 21.02.2018 18:13 Zonjat e para të Republikës së Maqedonisë dhe Republikës së Turqisë, Maja Ivanova dhe Emine Erdogan, në takimin e sotëm në Ankara kanë këmbyer informacione dhe mendime për përvojat dhe aktivitetet e tyre, në të cilat deri tani kanë qenë të angazhuara. Ivanova, siç thanë nga Kabineti i presidentit të Maqedonisë, është falënderuar për bashkëpunimin e shkëlqyer të deritanishëm me TIKA-n – Agjencia turke për bashkëpunim dhe koordinim, me përkrahje të së cilës janë realizuar projekte në Maqedoni. “Ivanova ka shprehur falënderim për projektet e realizuara të Klinikës universitare për sëmundje të fëmijëve në Shkup, hapjen e Qendrës Emergjente në Klinikën e fëmijëve, e cila solemnisht u lëshua në përdorim në dhjetor të vitit 2013, dhe Projektin për renovim të tërësishëm dhe pajisim të Repartit për kujdes intensiv në Klinikën e fëmijëve, i cili teknikisht u lëshua në përdorim vitin e kaluar”, thuhet në deklaratë. Bashkëshortja e presidentit Ivanov ka theksuar se me këto projekte jashtëzakonisht të rëndësishme në Klinikën e fëmijëve të mbështetura nga TIKA, u mundësuan kushte bashkëkohore për shërim dhe shërbime më të mira shëndetësore për pacientët më të vegjël. Zonja e parë e Turqisë duke informuar Ivanovën për aktivitetet e saj dhe projektet të cilat zbatohen nën patronazhin e saj në Turqi, ka shprehur kënaqësi për funksionimin me sukses të dy projekteve të realizuara përmes TIKA-s dhe ka shprehur interes për vizitë në Klinikën e fëmijëve me rastin e vizitës së parë në Maqedoni. Në suaza të vizitës zyrtare të presidentit Ivanov në Republikën e Turqisë, Ivanova ka realizuar takime edhe me Semiha Jilldirim, bashkëshorte e kryetarit të Qeverisë së Republikës së Turqisë, si dhe me Hulija Qavushogllu, bashkëshorte e ministrit të Punëve të Jashtme të Republikës së Turqisë. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.