9:33, 6 Dhjetor 2018

Në fund të qershorit, gjatë ndeshjes kundër Serbisë në Kampionatin Botëror të Futbollit, lojtarët e Zvicrës Granit Xhaka dhe Xherdan Shaqiri pasi tundën portën e serbëve, bënë një gjest triumfues: formuan shqiponjën me gishta.

Triumfit iu bashkua edhe lojtari Stephan Lichtsteiner.

Image result for Stephan Lichtsteiner me shqiponj

Gjesti me shqiponjë ngjalli një debat që zgjati gjatë gati gjithë verës në Zvicër. Ishte një debat emocional – me shumë komente negative dhe me disa zëra që e mbrojtën gjestin me shqiponjë të futbollistëve shqiptarë.

Gjesti polarizoi shoqërinë zvicerane, nxiti ndjenja nacionaliste e refuzuese të shumë zviceranëve kundër të huajve, qofshin ata me apo pa shtetësi zvicerane.

Tani një juri nga Shkolla e Lartë e Zurihut për Shkenca Aplikative (ZWAH) ka vendosur që fjala “Shqiponjë” (Doppeladler) të zgjidhet si fjala e vitit në Zvicër.

“Në vitin 2018 shqiponja ka qenë e pranishme gjithandej dhe është shfaqur në përditshmërinë e Zvicrës; me debatet mbi të do të merremi edhe një kohë të gjatë”, thuhet në një njoftim të Shkollës së Lartë të Zurihut për Shkenca Aplikative, shkruan dialogplus.ch, transmeton Klan Kosova.

Shkrimin e plotë mund ta gjeni në dialogplus.ch

klankosova.tv