13:52, 14 Shtator 2017

Deputeti nga radhët e Lidhjes Demokratike të Kosovës, Lumir Abdixhiku ka thënë se po të funksiononte Prokuroria, sot do ta trajtonte rastin e  ministrit të ri të Bujqësisë Nenad Rikallo, i cili është akuzuar për torturim të banorëve të “Dardanisë” në Prishtinë.

“.Po të kishte Qeveri ky shtet, një paramilitar me histori torturuese si kjo, as që do të ishte pjesë e kabinetit të Republikës. Shkarkimi i tij është domosdoshmëri. Pazaret e Lista Srpskas s’mund të mundin dinjitetin e viktimave shqiptare”.

“Janë me dhjetëra qytetarë e dëshmitarë që pretendojnë keqtrajtim brutal të civilëve shqiptarë. Pretendimet e tyre s’kanë për të kaluar në heshtje. Do të bëjmë gjithçka, në Parlament e jashtë tij, për të marrë përgjigjet e duhura. Ftoj Prokurorinë e Kosovës të trajtojë pa vonesë pretendimet në fjalë”, ka shkruar ai në Facebook, transmeton Klan Kosova.

Interesante