Sherifi: Dilema për të votuar demarkacionin kanë deputetët e VV-së dhe të Listës Serbe (VIDEO) NULL NULL 13.03.2018 18:23 13.03.2018 18:23 Shefi i grupit parlamentar të NISMA-s, Bilall Sherifi ka deklaruar se ende nuk i kanë votat për ratifikimin e demarkacionit. Ai ka bërë të ditur se dilemat aktualisht janë tek deputetët e Listës Serbe dhe atyre të Vetëvendosjes. “Aktualisht nuk janë votat e siguruar, po të kishin qenë do të ishte thirrë seanca” “Nuk ka dilema a duhet të votohet apo të mos votohet ky version i demarkacionit, sa ju përket partive shqiptare. 78 vota janë “për” pa deputetët e Listës Serbe dhe nevojiten edhe dy apo tre vota, ose nga kjo parti ose nga deputetet e VV-së” është shprehur Sherifi në një intervistë në Info Magazine të Klan Kosovës. Sa i përket marrëveshjes aktuale për demarkacioni me Malin e Zi, Sherifi ka thënë se dallimi në mes të Nisma-s, AAK-së dhe VV-së qëndron tek deklarata e nënshkruar nga dy presidentët, Vujanoviq dhe Thaçi, se a mjafton kjo deklaratë. “Ata thonë se nuk është e mjaftueshme. Edhe nëse nuk është e mjaftueshme kjo është një mundësi për të ratifikuar marrëveshjen duke hapur një kapitull të ri, që në të ardhmen të rishikohet marrëveshja” është shprehur Bilall Sherifi. Ai gjithashtu ka thënë se po të mos ekzistonte presioni i bashkësisë ndërkombëtare dhe i qytetarëve do kishte mundësi që fillimisht të rishikohej marrëveshja pastaj të ratifikohej. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Dy të vrarë e 6 të plagosur në kryeqytet më 2024 - kritikë për masat ndëshkuese (VIDEO) 12 orë më parë
Kosova “Jam familjare e Kurteshëve, por s’më punësuan ata, u punësova me meritë” (VIDEO) 12 orë më parë