20:00, 7 Nëntor 2018

Qëndrimi për shumë kohë pranë ekraneve po i bën fëmijët që të kenë probleme me shikimin, mbipeshën dhe kancerin, kanë paralajmëruar ekspertët.

Një rishikim i 80 studimeve të ndryshme me mbi 200 mijë persona, ka treguar se telefonat e mençur dhe tabletat, së bashku me pijet që përmbajnë sheqer, janë rreziqet më të mëdha për obezitet  tek fëmijët.

Të qenit mbipeshë mund të çojë në disa tipe të kancerit, duke përfshirë këtu kancerin e gjirit, veshkave, prostatës, pankreasit dhe atë ovarian.

Qëndrimi i tepërt para ekraneve gjithashtu ndikon në dëmtimin e syrit – numri i fëmijëve që kanë probleme me shikim është dyfishuar brenda 50 vjetësh.

Studiuesit kane thëne se këto të gjetura janë shumë të rëndësishme si dhe kanë bërë thirrje për më shumë kontroll ndaj fëmijëve, në veçanti për ushqimin dhe ushtrimet.