15:16, 14 Shtator 2018

Sot pasdite disa persona të armatosur kanë grabitur institucionin mikrofinanciar që gjendet në rrugën “Hasan Prishtina” në Obiliq.

Policia ka konfirmuar se menjëherë pas marrjes së informacionit strukturat rajonale për hetimin e krimit me një intensitet të shtuar kanë filluar ndërmarrjen e një varg veprimesh operative dhe hetimore.

Sipas policisë, dyshohet se kjo grabitje është realizuar nën kërcënimin e armëve, njofton Klan Kosova.

Të dyshuarit që të gjithë të maskuar, kanë grabitur një sasi të parave dhe janë larguar nga vendi ingjarjes me një veturë.

Policia ende nuk ka dhënë ndonjë njoftim rreth identifikimit të personave të dyshuar.

klankosova.tv