16:20, 13 Gusht 2017

Një zjarr ka përfshirë lagjen “Bair” në Mitrovicë dhe flakët kanë kapluar edhe një pjesë të shkollës “Musa Hoti”.

Rastin për Klan Kosovën e ka konfirmuar  zëdhënësi i policisë për rajonin e Mitrovicës, Avni Zaiti.

“Flaka ka kapluar një shtëpi dhe më pas edhe një pjesë të shkollës. Deri më tani nuk raportohet për persona të lënduar, ndërsa njësitet relevante janë në vendin e ngjarjes “, pohoi Zaiti.

Mitrovica dhe fshatra të këtij qyteti tash e sa ditë janë duke u përballuar me flakët, kryesisht të shkaktuara nga temperaturat e larta.

Në këtë rast, ende nuk dihet çfarë e ka shkaktuar zjarrin.

 

klankosova.tv

 

Interesante