17:22, 14 Nëntor 2017

Ministri i Punëve të Brendshme, Flamur Sefaj vizitoi Aeroportin Ndërkombëtar të Prishtinës “Adem Jashari”, ku u prit nga drejtori i ANP-së, Haldun Firat Kokturk.

Firat Kokturk e informoi ministrin Sefaj me punën, të arriturat dhe gjendjen aktuale në ANP, si dhe ia prezantoi projektet e zhvillimit të ardhshëm të Aeroportit Ndërkombëtar të Prishtinë “Adem Jashari”.

Sefaj e vizitoi Terminalin e Aeroportit dhe Agjencinë e Shërbimit të Navigimit Ajror, ku u njoh me rrjedhën e punëve që zhvillohen atje, thuhet në njoftimin për media, transmeton Klan Kosova.

Me këtë rast me udhëheqësit e aeroportit u diskutuan edhe projektet në aeroport dhe për të arriturat e aeroportit, që është një storie e suksesit të Partneritetit Publiko Privat dhe se ky është një shembull i mirë edhe për kompanitë e tjera të huaja që të vijnë të investojnë në vendin Kosovë.

Me këtë rast ministri vlerësoi edhe mekanizmat e kontrollit të cilët i bënë Ministria e Punëve të Brendshme përmes divizionit për Siguri të Aviacionit nga Departamenti për Siguri Publike dhe theksoi se bashkëpunimi i mirë mes MPB-së dhe aeroportit do të vazhdoi edhe në të ardhmen.

 

Interesante