Ministri Gashi viziton Aeroportin e Prishtinës NULL NULL 25.05.2018 16:37 25.05.2018 16:37 Ministri i Punëve të Brendshme, Bejtush Gashi, ka vizituar Aeroportin Ndërkombëtar të Prishtinës “Adem Jashari”, ku u prit nga drejtori i aeroportit, Haldun Firat Kokturk. Gjatë kësaj vizite, Gashi dhe drejtori i ANP-së, biseduan lidhur me gjendjen aktuale të sigurisë, punën dhe të arriturat në aeroportin “Adem Jashari”. Me këtë rast, ministri i brendshëm u shpreh se aeroporti qëndron jashtëzakonisht mirë, sa i përket sigurisë, kjo duke vlerësuar krijimin e hapësirës për bashkëpunim, e cila ndihmon në koordinimin e veprimeve mes institucioneve të sigurisë dhe aeroportit. “Është shumë me rëndësi ofrimi i sigurisë,për arsye se për qytetarët që udhëtojnë duhet të mbizotërojë ndjenja e sigurisë, e cila e bënë më të lehtë udhëtimin”, theksoi Gashi. Ndërsa, drejtori i aeroportit, Haldun Kokturk, i prezantoi ministri Gashi projektet e planifikuara të zbatohen të ardhmen në ANP. Ai tha se ka një bashkëpunim shumë të mirë me institucionet e sigurisë dhe është i gatshëm për zbatimin e çfarëdo rekomandimi që i vjen nga MPB. Po ashtu Gashi vizitoi edhe Agjencinë e Shërbimit të Navigimit Ajror, ku u njoh me rrjedhën e punëve që zhvillohen atje. Ai vlerësoi mekanizmat e kontrollit të cilët i bënë Ministria e Punëve të Brendshme përmes divizionit për Siguri të Aviacionit nga Departamenti për Siguri Publike dhe theksoi se bashkëpunimi i mirë mes MPB-së dhe aeroportit do të vazhdoi edhe në të ardhmen, transmeton Klan Kosova. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Bulliqi bën homazhe në 25-vjetorin e masakrës së familjeve Bogujevci, Duriqi dhe Llugaliu 10 minuta më parë
Kosova Kusari-Lila “e pengon” Tahirin teksa flet në foltore: Këtë detyrë duhet ta kryej Glauku, jo unë 2 orë më parë