Lufta civile në Siri, tjetër sulm me armë kimike NULL NULL 13.01.2018 21:29 13.01.2018 21:29 Një sulm me gaz klorin u krye në një zonë rebele të rrethuar nga forcat qeveritare në rrethinat e Damaskut. Njerëzit në Gutën Lindore, e cila prej kohësh bombardohet përditë, raportuan për erën e rëndë të gazit pas një sulmi me raketë. Rikthimi i armëve kimike në konfliktin sirian duket se konfirmohet edhe nga burimet spitalore, të cilat thanë se disa njerëz morën ndihmën e parë për probleme me frymëmarrjen, megjithëse asnjë nuk ishte në rrezik për jetën, shkruan Top Channel. Mbi 400 mijë njerëz janë të rrethuar që prej vitit 2013 në Gutën Lindore. Gjatë luftës civile siriane ka pasur shpesh raporte për përdorim armësh kimike, por qeveria e Bashar al-Assadit i ka mohuar ato. Megjithëse OKB-ja ka vërtetuar disa herë përdorimin e armëve kimike dhe kalimin e “vijës së kuqe” nga ushtria siriane, nuk është marrë asnjë masë, me përjashtim të bombardimit amerikan të urdhëruar nga Donald Trump për një rast të vetëm. OKB ka dhënë alarmin për gjenden e tmerrshme të njerëzve në Gutën Lindore dhe raportet për sulme me armë kimike thjesht tregojnë se situata e tyre është rënduar edhe më tej. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Avokati i Popullit i dorëzoi Kuvendit të Kosovës raportin vjetor për vitin 2023 25 minuta më parë