LeBron James, shpërthen në lot pas fitores me Cavaliers

LeBron James dhe Cavaliers, e kanë fituar titullin e tyre të parë në ligën amerikane të basketbollit NBA, duke e bërë kështu qytetin e tyre kampion pas 52 vitesh sepse gjatë kësaj kohe, Cleveland s’kishte fituar titull në asnjë sport.

Betejën epike LeBron James e ka fituar kundër Stephen Curry dhe Golden State Warriors.

James para dy vitesh kishte premtuar se do t’ia sillte titullin e kampionit vendit të tij Ohios, dhe këtë e realizoi të dielën mbrëma duke fituar me një rezultat 93 me 89 kundër Golden State Warriors, shkruan Daily Mail, transmeton Klan Kosova.

Pas kësaj fitoreje historike, James ka shpërthyer në lot dhe ka ngritur lart kupën e fitores.

Më pas ai është paraqitur në konferencën për media i shoqëruar nga djali i tij Lebron James Junior dhe nga vajza e tij e vogël, Zhuri James.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.