12:12, 17 Shkurt 2017

Sot vazhdon procesi gjyqësor për rastin “Lagja e trimave”.

Nga sot nis marrja në pyetje e të akuzuarve derisa i pari do të japë dëshminë i akuzuari Sami Ukshini, i njohur si Komandant Sokoli.

Pas tij pritet të japë dëshminë e tij edhe i akuzuari tjetër Andi Krasniqi, i njohur si Komnadant Malisheva, shkruan Alsat M.

Prokuroria në shumicën e rasteve këta dy të akuzuar i ka paraqitur edhe si udhëheqës të grupit të armatosur.

Në procesin gjyqësor për Lagjen e Trimave janë të akuzuar 37 persona nga të cilët 29 janë arrestuar me 9 dhe 10 maj të vitit 2015 , ndërsa 8 persona janë arrestuar më pas, si të dyshuar që i kanë dhënë ndihmë logjistike grupit të armatosur në Kumanovë.

Interesante