14:00, 12 Tetor 2018

Kryeprokurori i Prokurorisë Themelore të Mitrovicës, Shyqyri Syla, ka mbajtur takim me drejtoreshën e Drejtorisë Rajonale të Policisë në Mitrovicë, Afërdita Mikullovci, si dhe me shefat e hetimeve të Stacioneve Policore në Mitrovicë, Skenderaj dhe Vushtrri, si dhe shefin e Hetimeve Rajonale të Policisë së Mitrovicës.

Temë e rëndësishme e takimit ka qenë diskutimi për rastet e dhunës në familje.

Kryeprokurori Syla, është shprehur se është shqetësuese rritja e rasteve të dhunës në familje, si dhe ka kërkuar që këto raste të kenë trajtim të veçantë si dhe të u jepet prioritet, thuhet në njoftimin për media, transmeton Klan Kosova.

Në Prokurorinë Themelore të Mitrovicës, është i caktuar një prokuror i cili merret ekskluzivisht me këto raste.

klankosova.tv