KQZ: Procesi zgjedhor i rregullt, rezultatet përfundimtare së shpejti NULL NULL 23.10.2017 15:14 23.10.2017 15:14 Zgjedhjet lokale që u organizuan dje kanë kaluar pa ndonjë incident që do të dëmtonte integritetin e procesit zgjedhor, njofton Klan Kosova. Këtë e ka bërë të ditur për Klan Kosovën, Valmir Elezi, zëdhënësi i KQZ-së i cili tha që sa më shpejt të jetë e mundur do t’i shpallin rezultatet përfundimtare. “Në QNR ka filluar skanimi i Formularëve të Rezultateve për të gjitha Vendvotimet. Pas skanimit të tyre, me qëllim të rritjes së transparencës dhe besueshmërisë në procesin zgjedhor, formularët e skanuar do të publikohen në faqen e KQZ-së dhe secili kandidat (për kryetar komune apo për kuvend komunal) mund të shoh rezultatin e tij për secilin vendvotim. Puna e Komisionit Qendror të Zgjedhjeve tani është e orientuar në shpalljen e Rezultateve Përfundimtare. Shpresojmë që në një kohë sa më të shpejtë që është e mundur t’i shpallim Rezultatet Përfundimtare”, ka thënë Elezi. Në QNR, shton Elezi, se shpejti do të fillojnë të numërohen votat me kusht, votat që kanë ardhur përmes postës dhe votat të personave me nevoja të veçanta. “Në QNR do të skanohet Lista Përfundimtare e Votuesve nga Vendvotimet e rregullta dhe pas kësaj do të fillohet me numërimin e Votave me Kusht; Votave përmes Postës; dhe Votave të Personave me Nevoja të Veçanta”. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Dy të vrarë e 6 të plagosur në kryeqytet më 2024 - kritikë për masat ndëshkuese (VIDEO) 28/03/2024