12:16, 14 Shtator 2018

Ministria e Jashtme e Kinës ka deklaruar se kundërshton me vendosmëri sanksionet e njëanshme të vendosura nga Shtetet e Bashkuara mbi një firmë të teknologjisë në Kinë.

Shtetet e Bashkuara e kanë akuzuar firmën kineze për financim të paligjshëm të Koresë së Veriut, shkruan Euronews, transmeton Klan Kosova.

Zëdhënësi i Ministrisë, Geng Shuang, ka komentuar në një konferencë shtypi në Pekin dhe ka thënë se këto sanksione i kanë thelluar edhe më tej tensionet midis dy vendeve.