14:00, 6 Dhjetor 2018

Çfarë skandali për tradhti?

Tetë muaj pasi Khloe Kardashian ka mirëpritur vajzën True me Tristan Thompson, ajo dhe 27 vjeçari basketbollisti i Cleveland Cavaliers, janë duke provuar që të kenë edhe një fëmijë.

“Ajo nuk është shtatzënë për momentin, por ata janë duke provuar edhe për një fëmijë tjetër, në mënyrë aktive. Khloe thjesht e pëlqen të qenit nënë. Ajo dëshiron që True të ketë një vëlla ose motër”, ka thënë një burim për revistën Us Weekly.

Por, duket se kjo nuk po i pëlqen shumë familjarëve dhe miqve të Khloe Kardashian – ata kanë frikë se ajo është “verbërisht” e dashuruar.

“Në mendjen e saj, ajo dhe Tristan janë në rregull”, ka thënë ky burim, duke shtuar se asgjë nuk do ta ndalë 34 vjeçaren Kardashian që ajo të zgjerojë familjen me Thompson – madje edhe nëse ai përsërit sjelljet jo të hijshme.

Në ndërkohë, Tristan Thompson ishte zënë duke e tradhtuar Khloe Kardashian, në muajin prill.

Vetëm dy ditë pasi ajo kishte lindur vajzën True, më 12 prill të vitit 2018, dolën pamje që shfaqnin yllin e NBA duke u puthur me një grua tjetër.

Më vonë, revista Us Weekly konfirmoi gjatë këtij muaji se Thompson kishte tradhtuar të dashurën e tij, me pesë gra të ndryshme, qysh nga muaji nëntor.