Katër pikat e progresit të Shqipërisë, Vlahutin: Sfidë, ndëshkimi i korrupsionit NULL NULL 25.04.2018 13:39 25.04.2018 13:39 Ambasadorja e Bashkimit Evropian në Tiranë, Romana Vlahutin, ka komentuar katër pikat e Progres Raportit të Komisionit Evropian ku vlerësohet Shqipëria. “Shqipëria shihet si model në rajon për procesin në vazhdim të vettingut, së dyti për lëvizjet që janë bërë kur bëhet fjalë për sundimin e ligjit, së treti, marrëveshja e 17 majit tregoi që polarizimi politik mund të tejkalohet në kohë kritike për vendin dhe së katërti përparimi i bisedimeve dypalëshe me Greqinë”, ka thënë ajo. Duke folur në Komisionin e Integrimit, kryediplomatja e BE-së në Tiranë deklaroi se reformat dhe thellimi i tyre duhet të vazhdojë, shkruan Top Channel. Megjithatë, ambasadorja paralajmëroi se sfidat që mbeten përpara janë akoma më të mëdha. Ajo përmendi zbatimin e ligjit anti-mafia, një ligj për financimin e partive politike por kryesore mbetet ndëshkimi i korrupsionit në nivele të larta. “Numri i ndjekjeve penale mbetet ende i ulët dhe kjo duhet të përmirësohet dhe kjo do të ndodhë kur të kemi SPAK-un dhe kur një pjesë e gjyqësorit të jetë rivlerësuar. Komisioni do të shohë me kujdes ndjekjet penale dhe dënimet për korrupsionin dhe kjo do të kërkojë një përpjekje të madhe”. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Lajme Elbasan: Dy të arrestuar, dyshohet se kryen marrëdhënie seksuale me një 31-vjeçar me aftësi të kufizuara 2 minuta më parë
Lajme Shefi ushtarak izraelit falënderon Britaninë e Madhe për mbështetjen kundër sulmit iranian 4 minuta më parë
