13:47, 26 Shtator 2017

Basketbollisti LeBron James, ka thurur lavde për futbollistët amerikanë që kanë protestuar kundër Donald Trump, dhe akuzoi presidentin amerikan që “po e përdorë sportin që të tentojë të na ndajë”.

Trump tha të premten që lojtarët e NFL të cilët nuk u ngritën gjatë himnit kombëtar duhet të përjashtohen ose suspendohen, shkruan BBC, transmeton Klan Kosova.

Në protesta të mëdha gjatë vikendit, lojtarët u përgjigjën duke u përkulur, duke i lidhur krahët dhe duke qëndruar në zhveshtore.

James pati plot lëvdata për bashkarinë e këtyre lojtarëve duke thënë që populli e udhëheq vendin.

“Nuk do ta lë një individ, pavarësisht fuqisë së tyre, që ta përdorë sportin si platformë për të na ndarë”.

“Sporti është aq i mrekullueshëm, se çfarë mund të bëjë për të gjithë. Pavarësisht formës, madhësisë, peshës, etnisë, fesë apo gjithçkaje, njerëzit gjejnë skuadra, lojtarë dhe ngjyra shkaku i  sportit. I bën njerëzit bashkë si asgjë tjetër”.

James, tre herë kampion i NBA, kishte bërë kampanjë për Hillary Clinton, rivalen e Trump, gjatë zgjedhjeve presidenciale të vitit 2016.

Interesante