francophonie_eh
13:00, 21 Prill 2017

Ministri i Punëve të Jashtme të Kosovës, Enver Hoxhaj ka takuar sot Shefin e misionit për Evropë në Asamblenë Parlamentare të Frankofonisë, Jean Paul Ëahl dhe delegacionin e tij, të cilët po qëndrojnë për vizitë në Kosovë.

Kryediplomati kosovar ka falënderuar pjesëtarët e delegacionit belg për vizitën në Kosovë, ndërkohë që ka folur për interesimin e të rinjve kosovarë për të mësuar më shumë nga gjuha dhe kultura frënge.

Poashtu, Hoxhaj ka shprehur falënderime të veçanta për mbështetjen e madhe që Belgjika i ka dhënë Kosovës për t’u bërë anëtar i Organizatës Botërore të Doganave. Hoxhaj u ka kërkuar që ta vazhdojnë mbështetjen për Kosovën në procesin e anëtarësimit në organizata ndërkombëtare, meqë Kosova planifikohet të aplikojë në disa organizata këtë vit.

“Mbështetja e Belgjikës ka qenë shumë e rëndësishme për anëtarësimin e Kosovës në Organizatën Botërore të Doganave, gjë për të cilën jemi shumë falënderues. Kam kërkuar që kjo mbështetje të vazhdojë edhe në procesin e anëtarësimeve në organizata të tjera, meqë do të kemi disa aplikime në organizata të ndryshme këtë vit”, ka thënë ai.

Kosova është anëtare e Organizatës së Frankofonisë që nga viti 2014, transmeton Klan Kosova.

 

Interesante