Hoxhaj: Ekstremizmi u “eksportua” në Kosovë nga rajonet e tjera

Ministri i jashtëm i Kosovës, Enver Hoxhaj ka thënë se vendet e tjera e kanë eksportuar ekstremizmin e dhunshëm në Ballkan, përfshirë Kosovën, ku është shënuar përqindje e lartë e shtatasve që luftojnë për grupin militant, Shteti Islamik.

Autoritetet thonë se afro 70 shqiptarë të Kosovës janë aktivë në Siri dhe Irak.

Kryediplomati kosovar në një intervistë për agjencinë e lajmeve Associated Press, gjatë qëndrimit të tij në Asamblenë e përgjithshme të Kombeve të Bashkuara, se “radikalizimi i njerëzve të rinjë në Ballkan, është eksportuar nga OJQ-të e ndryshme dhe klerikët” nga Lindja e Mesme.

Shefi I diplomacisë kosovare poashtu potencoi se që nga vitit I shkuar askush nga Kosova nuk i është bashkuar IS-it, transmeton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.