Skuadra Oakland ka fituar edhe përballjen e dytë me kundërshtarin nga San Antonio, ndërsa e treta përballje do të luhet të premten, në AT&T Center në Texas

12:00, 17 Prill 2018

Golden State Warriors ka fituar në Oracle Arena pasi mundi sërish San Antonio Spurs për të marrë kryesimin 2-0 në fazën e Play Off.

Sfida nuk nisi mirë për kampionët në fuqi të NBA pasi në fundin e dy periodave të para e panë veten në disavantazh, 47-53.

Pas pushimit të ndeshjes gjërat ndryshuan dhe Golden State filloi të tregojë se kush është shefi, duke e kthyer ndeshjen në favorin e tij për ta mbyllur me rezultatin 115-101.

Për Golden State pesë basketbollistë të tij e mbyllën sfidën me statistika dyshifrore por ai që shkëlqeu më shumë ishte Kevin Durant me 32 pikë.

Ndeshja e tretë mes Golden State dhe San Antonios do të luhet ditën e premte në AT&T Center në Texas.