21:27, 16 Maj 2018

Veprimtari që dikur vepronte në ilegalitet, Gani Sylaj, ka shkruar  një libër rreth funksionimit të periudhës ilegale të viteve 70-ta.

Ai, në Zona B të Klan Kosovës, ka folur për librin “Ilegal viteve shtatëdhjeta” dhe arsyet përse vendosi të shkruajë këtë libër.

“Jam mundur dy gjëra; të jetë i kuptueshëm për lexuesit dhe jam mundur që figurat e shokëve më të cilat kam bashkëvepruar t’i paraqes ashtu siç janë”, ka thënë Sylaj, njofton Klan Kosova.

Ai veprimin në kohën e atëhershme e ka quajtur “ilegalitet i thellë”.

“Shkrimet e më hershem janë mbështetur në dokumente të pjesshme. Atëherë ka pasur pak shkrime pasi atëherë janë munduar ta fshehin njerëzit punën sepse ishte veprim në ilegalitet”.

“Lëvizjen tonë e ka karakterizuar unitet dhe besa, jo grindjet”.

Sylaj ka pohuar se ka shkruar me mijëra faqe kujtime dhe më pas i ka kondensuar në një libër prej 445 faqesh.

“I kam bërë 20.000 mijë faqe dorëshkrim, pasi kam dashur që lexuesi ta kuptojë këtë dhe të jetë i lexueshëm madje edhe për një fillorist”.

klankosova.tv

Interesante