1:12, 11 Gusht 2018

Në mbrëmjen hapëse të festivalit “Sunny Hill” ka performuar edhe ylli global me prejardhje nga Kosova, Dua Lipa.

Dua ishte paraparë ta fillonte performancën në orën 00:00 por ishte vonuar për gjysmë orë.

Sidoqoftë, me të dalë në skenë nuk kishte se si të mos binin në sy ngjyrat e veshjes së saj, e që ishin kuq e zi.

Performanca e Duas erdhi pas artistëve të tjerë si e grupit Oda (pjesë e të cilit është edhe Dukagjin Lipa, babai i saj), Stanaj dhe Grace Carter.

Klan Kosova e ka përcjellë nga afër këtë ngjarje, ndërkaq për më shumë detaje nga performanca e saj mund të mësoni nesër në po këtë medium.