Drejtorët e Bankës Botërore mbështetë sektorin e energjisë në Kosovë NULL NULL 28.03.2017 15:16 28.03.2017 15:16 Ministri i Zhvillimit Ekonomik, Blerand Stavileci ka shoqëruar delegacionin e drejtorëve ekzekutivë të Bankës Botërore në vizitën që ata i bënë sot termocentraleve Kosova A, Kosova B, Mihjen e Sibovcit dhe hapësirës ku planifikohet të ndërtohet Termocentrali “Kosova e Re”. Gjatë kësaj vizite, delegacioni i Bankës Botërore është njoftuar për së afërmi me gjendjen aktuale të kapaciteteve gjeneruese të energjisë, operimin e tyre dhe punën që është duke u bërë për të mbajtur ato në operim, transmeton Klan Kosova. Stavileci ka zhvilluar edhe një takim pune me këtë delegacion, të cilët i ka informuar me reformat e ndërmarra nga Qeveria e Kosovës për zhvillim të qëndrueshëm, ku si parakusht për këtë vlerësohet zhvillimi i sektorit të energjisë, për çka ka marrë mbështetje të plotë të tyre. Delegacioni i Bankës Botërore po qëndron në vizitë dyditore në Kosovën për të diskutuar me Qeverinë e Kosovës dhe palët e tjera të interesit mbi prioritetet zhvillimore të Kosovës e veçanërisht, për rëndësinë e reformave në sektorin e energjisë dhe integrimin në tregun rajonal të energjisë. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Dy të vrarë e 6 të plagosur në kryeqytet më 2024 - kritikë për masat ndëshkuese (VIDEO) 15 orë më parë