champions
13:02, 16 Maj 2016

Tri ekipet angleze që janë kualifikuar direkt në Ligën e Kampionëve për sezonin e ardhshëm janë, Leicester City, Arsenal dhe Tottenham, njofton Klan Kosova.

Kurse Manchester City, që ka përfunduar i katërti në Premier Ligë do të duhet të luajë një rreth parakualifikues.

Leicester City në ndeshjen e fundit të tyre kanë barazuar me Chelsean me rezultat 1-1, duke e përfunduar kështu kampionatin me 81 pikë, dhjetë më shumë se Arsenali që ka zënë vendin e dytë.

I treti është Tottenham me një pikë më pak se Arsenal, e që në ndeshjen e fundit pësoi një debakël nga Newcastle United me rezultat 5-1.

Edhe Manchester City ka siguruar Championsin, edhe pse barazoi më Swansea Cityn, me rezultat 1-1.

“Qytetarët” renditën në pozitën e katërt më 66 pikë, duke lënë kështu Manchester United-in jashtë ligës së kampionëve.

Por anglezët lehtësisht do të mund të kenë pesë ekipe në Ligën e Kampionëve nëse Liverpool arrin të fitojë finalen e Europa Ligës përballë Sevillas këtë të mërkurë.

klankosova.tv

 

Interesante