15:53, 16 Prill 2018

Deputetet e Grupit Parlamentar të LDK-së, Vjosa Osmani dhe Doruntinë Maloku, po marrin pjesë në takimin vjetor të Konferencës Globale Parlamentare të Fondit Monetar Ndërkombëtar dhe Bankës Botërore, e cila po mbahet ne Uashington DC.

Në këtë ngjarje dy ditore, Osmani dhe Maloku do të marrin pjesë në sesione të ndryshme punuese ku do të kenë mundësi diskutimi me zyrtarë të lartë të Grupit të Bankës Botërore dhe Fondit Monetar Ndërkombëtar, institucioneve të tjera të zhvillimit, si dhe organizatave të shoqërisë civile.

Ato po ashtu, do të kenë mundësinë që të takojnë kryetarë parlamentesh si dhe deputetë nga e mbarë bota, transmeton Klan Kosova.