11:33, 17 Maj 2018

Shefja e Zyrës së BE-së, Nataliya Apostolova, dhe ambasadori i SHBA-ve, Greg Delawie, vizituan ekspozitën e fotografive “That’s Why”, e hapur nga komuniteti LGBTI, me rastin e Ditës Ndërkombëtare Kundër Homofobisë dhe Transfobisë.

Apostolova vlerësoi se ligjet në Kosovë nuk kanë mangësi, mirëpo problemi qëndon tek implementimi i tyre. Ajo shtoi se BE-ja do të vazhdojë ta përkrahë komunitetin LGBTI.

Ambasadori Delawie tha se ka ardhur në ekspozitë për ta treguar mbështjetjen e Amerikës për komunitetin LGBTI.

“Sot është Dita Ndërkombëtare kundër homofobisë. Jam këtu për të treguar mbështetjen e Amerikës për këtë kategori. Edhe nëse nuk shohim dhunë në rrugë, LGBTI po përballen me gjuhë të dhunshme.Kosova ka përparuar shumë sa i përket kësaj çështjeje në një periudhë të shkurtër kohore. Mos hiqni dorë, ta dini që Shtetet e Bashkuara të Amerikës janë për të ju mbështetur në çdo hap të këtij rrugëtimi”.