22:53, 2 Tetor 2018

Benfica ka shënuar fitore si mysafire e AEK Athens me rezultat 3 me 2.

Mysafirët e nisën shumë mirë pjesën e parë, duke shënuar dy gola, njofton Klan Kosova.

Megjithatë, vështirësitë filluan në pjesën e dytë ku Benfica u detyrua të luajë me dhjetë lojtar në fushë. Këtë e shfrytëzuan shumë mirë Athens të cilët shënuan dy gola me anë të Viktor Klonaridis për ta barazuar rezultatin.

Mirëpo, portugezët arritën të shënonin në minutën e 74-të përmes Alfa Semedos.

Benfica tashmë gjendet në vendin e tretë me tri pikë, pas Ajax e Bayern Munchen që kanë nga katër pikë. Ndërsa Athens nuk ka arritur ende të sigurojë pikë në këtë fazë.